సినీ నటి 'జయప్రద'కు జైలు శిక్ష..
ప్రముఖ సినీ నటి, మాజీ ఎంపీ జయప్రదకు ఎగ్మోర్ కోర్టు షాకిచ్చింది.జయప్రదతో పాటు మరో ముగ్గురికి జైలు శిక్ష విధించింది చెన్నైలోని ఎగ్మోర్ కోర్టు. వారికి 5000 రూపాయల జరిమానాను విధిస్తున్నట్లు తెలిపింది. చెన్నైలోని రాయపేటలో జయప్రదకు ఓ సినిమా థియేటర్ ఉంది. చెన్నైకి చెందిన రామ్ కుమార్, రాజబాబుతో కలిసి అన్నారోడ్డులో సినిమా థియేటర్ ను నడిపించారు. సినిమా థియేటర్ లో పనిచేస్తున్న కార్మికుల నుండి వసూలు చేసిన ఈఎస్ఐ మొత్తాన్ని చెల్లించకపోవడంతో ఎగ్మోర్ కోర్టును ఆశ్రయించారు కార్మికులు. వాళ్లకు రావాల్సిన మొత్తాన్ని ఇస్తానని.. ఈ పిటిషన్ ను కొట్టివేయాలని జయప్రద కోరగా.. అందుకు హైకోర్టు ఒప్పుకోలేదు. ఎగ్మోర్ కోర్టు జయప్రదతో పాటు మరో ముగ్గురికి ఆరు నెలల జైలు శిక్షను విధించింది. కార్మికులకు అందాల్సిన మొత్తాన్ని చెల్లిస్తానని జయప్రద కోర్టుకు తెలిపారు. అందుకు లేబర్ గవర్నమెంట్ ఇన్సూరెన్స్ కార్పొరేషన్ న్యాయవాది అభ్యంతరం తెలిపారు. ఇదే విషయాన్ని వివరిస్తూ కోర్టులో మూడు పిటిషన్లను కూడా దాఖలు చేశారు. అయితే, కోర్టు ఈ పిటిషన్లను తోసిపుచ్చింది. లేబర్ గవర్నమెంట్ ఇన్సూరెన్స్ కార్పొరేషన్ లాయర్ అభ్యంతరాన్ని పరిగణనలోకి తీసుకుని కేసును కొనసాగించింది. సుదీర్ఘ విచారణ తర్వాత శుక్రవారం తీర్పు వెలువరిస్తూ.. జయప్రదతో పాటు ముగ్గురికి ఆరు నెలల జైలు శిక్ష, ఒక్కొక్కరికీ రూ.5 వేల జరిమానా విధించింది.
What's Your Reaction?
